10 yanvar 2012 17:31
Elxan Məmmədov: Vəli Qasımovdan hesabat tələb olunacaq
Rusiyanın Sank-Peterburq şəhərində təşkil edilən Valentin Qranatkinin xatirəsinə həsr olunmuş turnirdə çıxış edən U-19 yığması turniri sonuncu pillədə başa vurdu. Azerisport.az xəbər verir ki, bununla bağlı AFFA-nın baş katibi Elxan Məmmədov fikirlərini bildirib:
“Komandamızın real gücündən lazımi səviyyədə istifadə edə bilməməsi və bütün rəqiblərinə məğlub olması bizi son dərəcə məyus edir. Bildiyiniz kimi komandamız 4-cü ildi ki, bu turnirdə iştirak edir. Yaşar Vahabzadənin rəhbərliyi altında 2009-cu ildə 7-ci yeri tutan komandamız 1 il sonra Bernard Lippertin rəhbərliyi sayəsində 5-ci yerə qalxmışdı. Vəli Qasımovun rəhbərliyi altında isə ötən il 7-ci pilləyə düşən komandamız bu il turniri sonuncu yerdə başa vurdu. Bununla əlaqədar olaraq, komandanın baş məşqçisindən hesabat tələb olunacaq və komanda üzvləri ilə görüş keçiriləcək”.
