10 yanvar 2012 00:04
Messi yenə dünyanın ən güclüsü seçildi!
FIFA dünyanın ən yaxşı futbolçusunun adını açıqlayıb. Azerisport.az xəbər verir ki, ötən gecə baş tutan təqdimetmə mərasimində “Qızıl Top” yenə İspaniyanın “Barcelona” klubunun və Argentina yığmasının ulduzu Lionel Messiyə verilib.
2011-ci ilin ən yaxşı oyunçusu olan Messi bu yolda öz komanda yoldaşı Xavi və “Real”ın portuqaliyalı oyunçusu Kristiano Ronaldonu geridə qoymağı bacarıb.
Qeyd edək ki, 2009-cu ildən bəri bu mükafatı özündə saxlayan Messi ardıcıl 3-cü il sorğuda hamıdan çox səs toplayır. Bununla da o, 1983, 1984 və 1985-ci illərdə dalbadal üç dəfə “Qızıl top”a sahib çıxmış fransalı Mişel Platininin nailiyyətini təkrarlayıb.
2011-ci ilin ən yaxşı məşqçisi isə Joze Mourinyo və Aleks Ferqyuson kimi önəmli futbol adamlarını qabaqlayan “Barcelona”nın baş məşqçisi Pep Quardiola seçilib.
İlin ən yaxşı qolu mükafatına Braziliyanın “Santos” klubunun gənc ulduzu Neymar sahib çıxıb.
Bütün mükafatçıların siyahısı isə aşağıdakı kimidi:
İlin ən yaxşı futbolçusu: Lionel Messi
İlin ən yaxşı baş məşqçisi: Xosep Qvardiola
FIFA prezidentinin mükafatı: Ser Aleks Ferqyuson
İlin qolu: Neymar
2011 feyr-pley mükafatı: Yaponiya Futbol Federasiyası
İlin qadın futbolçusu: Homare Sava
