13 yanvar 2012 02:00
İtaliya kuboku: Napoli 1/4 finala əzmkar qələbə ilə çıxdı (YENİLƏNİB)
Futbol üzrə İtaliya kubokunda 1/8 final mərhələsinin növbəti oyunları keçirilib. Azerisport.az xəbər verir ki, “Lazio” doğma meydanda “Verona” ilə münasibətlərinə aydınlıq gətirib.
A Seriyasında çıxış edən paytaxt klubu aşağı liqa təmsilçisi ilə dueldə böyük çətinliklə üzləşib. Lakin son dəqiqələrdə vurulan qol meydan sahiblərini növbəti mərhələyə çıxarıb.
“Udinese” evd' “Chievo” ilə qarşılaşıb və məğlub olaraq mübarizəni dayandırıb. “Roma” isə “Fiorentina”nı darmadağın edərək, növbəti mərhələyə adlayıb.
“Napoli” də “Cesena” ilə üz-üzə gəlib. Qarşılaşmada erkən qola imza atan qonaqlar uzun müddət hesabda üstün olsalar da, sonda buraxılan iki qol görüşün taleyini "Napoli"nin xeyrinə dəyişib.
Qeyd edək ki, bu mərhələnin iki oyunu bir müddət öncə keçirilmişdi. “Juventus” “Bologna” üzərində 2:1 hesablı qələbə sayəsində 1/4 finala çıxmışdısa, “Siena” da səfərdə “Palermo” ilə 4:4 hesablı məhsuldar heç-heçəyə nail olmaqla mərhələ adlamışdı. “Milan” – “Novara” və “Inter” – “Genoa” görüşləri isə müvafiq olaraq yanvarın 18 və 19-da keçiriləcək.
İtaliya kuboku
1/8 final mərhələsi
10 yanvar
Lazio – Verona – 3:2
11 yanvar
Udinese - Chievo - 1:2
Roma - Fiorentina - 3:0
12 yanvar
Napoli - Cesena - 2:1
1/4 finalda qarşılaşacaqlar:
Juventus - Roma
Lazio ilə Milan – Novara cütünün qalibi
Siena - Chievo
Inter – Genoa cütünün qalibi ilə Napoli
