11 yanvar 2012 15:39
Anji Vaqif Sadıqova təşəkkür etdi
Rusiyanın “Anji” klubu azərbaycanlı mütəxəssisə təşəkkür edib. Azerisport.az xəbər verir ki, klub rəhbərliyi rəsmi sayt vasitəsi ilə komandadan kənarlaşdırılan Vaqif Sadıqova minnətdarlıq edib.
Qeyd edək ki, Hacı Hacıyevin “Anji”yə apardığı Sadıqov komandada böyük məşqçi vəzifəsində çalışıb. Hıcyev cəzalı olduğu müddətdə o, baş məşqçi kimi Mahaçqala klubunu 4 oyuna çıxarıb. Lakin yeni baş məşqçi Yuri Krasnojan həmyerlimizlə əməkdaşlığı davam etdirmək istəməyib.
Bu arada “Anji”nin yeni məşqçiləri müəyyənləşib. Yuri Krasnojan Andrey Qordeyev və Oleq Vasilenkonu özünə köməkçi götürüb.
