12 yanvar 2012 14:53
“Futbolçuların psixoloji vəziyyəti yüksək səviyyədədi”
“Qəbələ”nin mövsümün qalan hissəsinə hazırlığı barədə məlumat verən baş məşqçi Fatih Kavlak məşq prosesinin rəqabət şəraitində keçdiyini, futbolçuların çox istəkli olduğunu deyir. Azerisport.az xəbər verir ki, o, klubun rəsmi saytına açıqlamasında bunları bildirib:
“Artıq iki gündür ki hazırlıqlara start vermişik. Hər şey istədiyimiz kimi gedir. Futbolçularımın psixoloji vəziyyəti yüksək səviyyədədi. Hər biri qarşıdakı oyunların ciddiyətini nəzərə alaraq məşqlərə ciddi və istəkli yanaşır. Əvəzedici heyətdə çıxış edən Amil Yunanov, Müşfiq Teymurov və Ürfan Abbasovu da hazırlıq prosesinə cəlb etmişik. Bu isə öz növbəsində gənc futbolçuların bacarığını nümayiş etdirmək şəraitini təmin etməklə yanaşı, kollektivdə rəqabət atmosferini gücləndirib”.
