14 yanvar 2012 15:41
Simurq da Antalyaya yollandı
“Simurq” təlim-məşq toplanışı keçmək üçün Türkiyənin Antalya şəhərinə yollanıb. Azerisport.az xəbər verir ki, toplanış kurort şəhərində yerləşən “Mardan Spor Kompleksin”də baş tutacaq.
Sergey Yuranın yetirmələri yanvarın 31-nə qədər burada qalacaq. Toplanışa tam heyətlə qatılan komandanın 3 yoldaşlıq görüşü keçirməsi nəzərdə tutulub.
Komandanı Antalyaya məşqçilər – İqor Getmanla Emil Balayev aparıb. Baş məşqçi Sergey Yuran Moskvadan birbaşa Antalyaya yollanacaq.
Toplanışa komandanın heyətinə yeni cəlb edilmiş Nicat Qurbanov, Emin Cəfərquliyev, Dmitri Kramarenko və Ruslan Poladovla yanaşı, baxışa çağrılmış bir necə yerli və əcnəbi futbolçular da qatılıb. Belə ki, “Simurq” “Turan”dan Rəşad Orucovla əvəzedici heyətindən Elçin Süleymanovu da Antalyaya aparıb. Antalyada komandaya baxışa çağırılmış üç əcnəbi qoşulacaq.
“Simurq” ilk yoxlama oyununu Qazaxıstanın “Kaysar” klubuna qarşı keçirəcək. Oyun yanvar 21-də, saat 15.00-da “Mardan İdman Kompleksi”dən baş tutacaq. Digər qarşılaşmalar isə yanvarın 27 və 31-də baş tutacaş. Rəqiblərin kimliyi hələ bəlli deyil.
“Simurq” Antalyadan sonra hazırlıqları Zaqatala şəhərində davam etdirəcək. Fevralın 3-də “Rəvan”la yoldaşlıq oyununun keçirilməsi də nəzərdə tutulub.
