14 yanvar 2012 21:13
Türkiyə millisinin baş məşqçisi Bakı darmadağınını şərh etdi
V Bakı Beynəlxalq Futzal Turnirində bu gün keçirilmiş Ukrayna – Türkiyə oyunundan sonra komandaların baş məşqçilərinin səsləndirdiyi fikirləri diqqətinizə çatdırırıq. Azerisport.az xəbər verir ki, Ukrayna millisinin baş məşqçisi Qennadi Lisençuk 5:1 hesablı qələbələri ilə bağlı bunları dilə gətirib:
“Heyətdə 7 əsas oyunçumuz yox idi. Bununla belə, inamlı qələbə qazana bildik. Təbii ki, bəzi futzalçılarımızla ciddi söhbətimiz olacaq. Ümumi götürdükdə, nəticə məni qane etdi”.
Türkiyə millisinin baş məşqçisi Ömer Kaner isə darmadağını belə şərh edib: “Futzal Türkiyədə yeni təşəkkül tapır. Ukrayna millisi kimi güclü rəqiblərlə oyun təcrübə toplamaq baxımından bizim xeyrimizədi. Təəssüf ki, qol vurmalı olduğumuz bir neçə epizodda şansımızdan yararlana bilmədik”.
