16 yanvar 2012 14:09
Elmar Baxşiyev: Neftçidən incik ayrılmaq istəmirəm
“Neftçi”nin yarımmüdafiəçisi Elmar Baxşiyev “Qəbələ”yə keçidi ilə əlaqədar olaraq azerisport.az saytının suallarını cavablandırıb.
- “Qəbələ” sizinlə çoxdan maraqlanırdı?
- Onlar hələ ötən il də mənimlə maraqlanmışdı. Özüm də işsiz qalmaq istəmirdim. Harasa keçməliydim. Şadam ki, “Qəbələ” kimi ambisiyalı klubla anlaşa bildim.
- Bölgə klubu ilə hansı müddətə kimi müqavilə bağlamağı planlaşdırırsız?
- Böyük ehtimalla bir illik müqavilə bağlayacağıq.
- “Neftçi”dən incikliyiniz qalmayıb?
- Uşaqlarla əlaqələrim hələ də qalmaqdadı. Bu günlərdə “Neftçi”nin prezidenti Sadıq Sadıqovla görüşməliyəm. Ondan halallıq almaq istəyirəm. Necə də olmasa, 3 il idi bu komandada çıxış edirdim. Pis əhval-ruhiyyədə getmək istəmirəm.
- Artıq yeni komandanızda məşq etməyə imkan tapmısız?
- Bəli, elə indicə məşqdən qayıtmışam. Burda məni hər şey qane edir. Əlbəttə, bura paytaxt deyil. Amma klub üçün yaradılan şərait təbii ki, hər kəs kimi məni də heyran edir.
- Fatih Kavlakla söhbətiniz olub?
- Bəli. O, mənə uğurlar dilədi. Bildirdi ki, kim hazır olacaqsa, o da oynayacaq. Qarşıda bizi Türkiyə toplanışı gözləyir. Orda özümü yaxşı tərəfdən göstərmək istəyirəm. “Qəbələ”nin əsas heyət üzvünə çevrilməyə çalışacağam.
- Bu komandada ciddi rəqabət var. Bu, sizi qorxutmur?
- “Qəbələ”yə keçərkən bütün bunlardan xəbərim var idi. Bütün bunlara baxmayaraq, mən ehtiyatda oturmağa hazırlaşmıram.
- Yeni komandanızın mövsümün geridə qalan dövründəki çıxışını izləyirdiz?
- Şübhəsiz ki. Düzdü, o vaxt bu komandada çıxış edəcəyimi bilməsəm də, bəzi oyunlarına baxırdım. Yaxşı komandadı, yüksək səviyyəli futbolçulardan qurulub. Bu komandayla ilk altılığa düşmək olar. Ümumiyyətlə, “Qəbələ”nin yeri elə ilk altılıqdı.
- Şübhəsiz ki. Düzdü, o vaxt bu komandada çıxış edəcəyimi bilməsəm də, bəzi oyunlarına baxırdım. Yaxşı komandadı, yüksək səviyyəli futbolçulardan qurulub. Bu komandayla ilk altılığa düşmək olar. Ümumiyyətlə, “Qəbələ”nin yeri elə ilk altılıqdı.
