16 yanvar 2012 16:11
İnterin rəqiblərinin adı açıqlandı
Yanvarın 15-dən etibarən "İnter"in əvəzedici komandası "Şəfa" stadionunda bir araya gəlib. Azerisport.az xəbər verir ki, “bankirlər” fevralın 3-nə kimi burada təlim-məşq toplanışı keçirəcək.
Mövsümün ikinci hissəsinə hazırlaşan komanda gündə 3 dəfə məşq edir. Qeyd edək ki, toplanış çərçivəsində "İnter" 5 yoldaşlıq oyununda güvvəsini sınayacaq. Yanvarın 17-də əvəzedicilər "İnter"in U-17 komandasıyla qarşılaşacaq. Yanvarın 21-də komanda "Rəvan"ın əvəzediciləriylə üz-üzə gələcək. Ayın 25-də "İnter" "Bakı"nın əvəzedicilərini qəbul edəcəksə, dörd gündən sonra Tofiq Mustafayevin komandası "Qəbələ" klubunun əvəzedici heyətiylə qarşılaşacaq.
Fevralın 2-də daha bir yoxlama görüşün keçirilməsi planlaşdırılır. Bu oyunda "İnter"in rəqibi olacaq komandanın adı yaxın vaxtlarda müəyyənləşəcək.
