16 yanvar 2012 11:37
Vitali Borisov: Bunu AÇ-nin oyunları göstərəcək
Futzal üzrə Azərbaycan yığmasının oyunçusu Vitali Borisov Bakıda təşkil olunan beynəlxalq turnirdəki Ukraynaya məğlubiyyətdən (2:3) sonra azerisport.az saytının suallarını cavablandırıb.
- Ukraynanı bu dəfə məğlub edə bilmədik. Buna nə səbəb oldu?
- Biz bu dəfə də qələbə qazana bilərdik. Gözlənildiyi kimi, oyun çox gərgin keçdi. Ukrayna çox hərəkətli komandadı. Onlar dördlüyü tez-tez dəyişirdilər, tempi qorumağa çalışırdılar.
- Düşünmürsüz ki, yığmamızın oyunu heç də alınmadı?
- Nələrsə bizdə alınmadı, nələrsə rəqibdə. Bütövlükdə, biz gec toparlandıq. Halbuki, tez özümüzə gəlib, oyunda dönüş yaratmalıydıq. Onda hər şey tam fərqli də ola bilərdi.
- Hamıdan gec toplanışa braziliyalılar gəlsələr də, daha çox onlara üstünlük verildiyi hiss olunurdu...
- Bu, o demək deyil ki, bizim dördlük məşq etmirdi. Hamımız birgə məşq etmişdik. Sadəcə, baş məşqçi oyunun gedişində öz seçimini həyata keçirir.
- Sona dörd dəqiqə qalmışa kimi 0:3 hesabıyla uduzsaq da, sonda layiqli məğlubiyyət aldız. Böyük hesabla uduzmaq istəmirdiz?
- Biz erkən qol da vura bilərdik. İki dəfə mənim, bir dəfə Serjionun zərbəsi dirəkdən döndü. Sonda da iki yox, daha çox qola imza ata bilərdik. Əlbəttə, doğma meydanda keçirilən oyunda uduzmaq istəmirdik.
- Deməli, bu turniri qazanmaq bu dəfə yığmamıza nəsib olmayacaq?
- Bu, bizim qarşımıza əsas hədəf kimi qoyulmayıb. Əsas məqsəd qarşıdakı Avropa çempionatına yaxşı hazırlaşmaqdı.
- Bu, bizim qarşımıza əsas hədəf kimi qoyulmayıb. Əsas məqsəd qarşıdakı Avropa çempionatına yaxşı hazırlaşmaqdı.
- İki həftə ərzində qitə çempionatına tam hazır ola biləcəksiz?
- Bunu dəqiq deyə bilmərəm. Ola bilər 100 faiz hazır olaq, ola bilər 80 faiz. Bəlkə indikindən də pis çıxış edək. Məşqlərimizi davam etdirəcəyik, hazırlaşacağıq. Bunu nə dərəcədə yaxşı bacardığımızı isə AÇ-nin oyunları göstərəcək. Xorvatiyadakı oyunlar daha məsuliyyətli olacaq. Orda çətin ki, hansısa rəqibimizə 0:3 hesabıyla uduzaq. Orda belə səhvlər buraxmaq olmaz.
- Bunu dəqiq deyə bilmərəm. Ola bilər 100 faiz hazır olaq, ola bilər 80 faiz. Bəlkə indikindən də pis çıxış edək. Məşqlərimizi davam etdirəcəyik, hazırlaşacağıq. Bunu nə dərəcədə yaxşı bacardığımızı isə AÇ-nin oyunları göstərəcək. Xorvatiyadakı oyunlar daha məsuliyyətli olacaq. Orda çətin ki, hansısa rəqibimizə 0:3 hesabıyla uduzaq. Orda belə səhvlər buraxmaq olmaz.
