17 yanvar 2012 15:43
Qarabağın Antalyada 3-cü günü (FOTOREPORTAJ)
“Qarabağ” Antalyada hazırlıqlarını davam etdirir. Azerisport.az xəbər verir ki, qardaş ölkədə olduğu 3-cü gündə komandanın proqramında tək məşq vardı.
Komanda günə fitnes salonunda başlayıb. Yerli vaxtla səhər 10:00-da trenajor zalına gedən komanda təxminən 1 saat fiziki təmrinlər yerinə yetirib. Fiziki məşqçi Çudomir Çakarovun təlimatlarıyla öncə müəyyən isinmə hərəkətləri edən futbolçular ardınca dayanıqlılıq çalışması yerinə yetiriblər. Sonda isə trenajor alətlərində müəyyən hərəkətlər yerinə yetirilib.
Komanda meydançaya 11:00-da hərəkət edib. Bu dəfəki çalışma da fiziki hazırlığa yönəlib. Yüngül qaçışın ardından 15 dəqiqə “kvadrat” oynayan futbolçular müəyyən maneələri aşmaqla təmrinlər yerinə yetiriblər. Bununla da günün tək çalışması başa çatıb.
