Neftçi Dinamo ilə dueldən məğlub ayrıldı (YENİLƏNİB)

Antalyada təlim-məşq toplanışında olan "Neftçi" hazırlıq prosesinin ilk mərhələsində bu gün ilk yoxlama oyununu keçirib. Azerisport.az xəbər verir ki, son Azərbaycan çempionunun rəqibi  Almaniyanın "Dinamo" (Drezden) klubu olub.

 

"Mardan" stadionunun ikinci meydançasında keçirilən görüş Bakı klubunun məğlubiyyəti ilə başa çatıb. Qeyd edək ki, “Dinamo” II Bundesliqanın ortabab klublarındandı. Arxada qalan 19 turda 22 xal toplayan komanda turnir cədvəlinin 11-ci pilləsində qərarlaşıb.

 

Yoxlama oyunu

17 yanvar

 

Neftçi – Dinamo - 0:1 (0:0)

 

Neftçi: Saşa Stamenkoviç, Ruslan Əmircanov, İqor Mitreski, Ruslan Abışov, Rail Məlikov, Mirhüseyn Seyidov, Denis Silva, Slavço Georgiyevski, Flavinyo, Rəşad Abdullayev, Bahodir Nasimov.

Dinamo: Şeyk Queye, Romayn Bregeri, Filip Troyan, Pavel Fort, Maik Kegel, İoannis Papadopulos, Zlatko Dedic, Robert Kox, Sebastian Şuppan, Volfqanq Hesl, Toni Leystner.

 

Oyun başladı

İlk dəqiqələr "Neftçi"nin üstünlüyü şəraitində keçir

8. Matçda hələ ki, təhlükəli vəziyyət yaranmayıb, amma "ağ-qaralar" topa daha çox nəzarət edir

17. Mübarizə meydanın mərkəzində davam edir

22. Rəşad Abdullayev qapıçı ilə təkbətək çıxsa da, hakim bu epizodda oyundan kənar vəziyyət qeydə alır

25. "Dinamo" əsasən əks hücumlara bel bağlayır

30. Yenidən Rəşad Abdullayev rəqibə çətin anlar yaşatdı. Məhz onun cərimə zərbəsindən sonra rəqib qapıçı təhlükəni sovuşdurur

37. "Neftçi"nin heyətində İqor Mitreskiyə sarı vərəqə göstərilir

Birinci hissə başa çatdı

İkinci hissə başladı

46. İkinci hissədə "Neftçi"nin heyətində dəyişikliklər edilib. Meydana Emil Mpenza, Emin Mehdiyev, Cavid Hüseynov və Elvin Yunuszadə daxil olur

47. Meydana ikinci hissədə daxil olmuş Emin Mehdiyevin zərbəsi qapı tirinin üstündən keçir

53. Rəqib futbolçunun baş zərbəsi təhlükəli alındı. Bu epizodda "flaqman"ın müdafiəçiləri sayıqlıq nümayiş etdirir

60. Slavço Georgiyevski Cavid İmamverdiyevlə əvəzlənir

65. Marvin Knol oyunda hesabı açır - 0:1

75. "Neftçi"nin heyətində daha 2 dəyişklik edilir. Antalya təlimlərinə əvəzedici komandadan çağırılmış Elnur Soltanlı və Kənan Manaflı oyuna daxil olur

85. Elvin Yunuszadəyə sarı vərəqə göstərilir

Matç başa çatdı