19 yanvar 2012 21:51
İnter Almaniya klubu ilə dueldən məğlub ayrıldı (YENİLƏNİB)
Türkiyədə təlim-məşq toplanışında olan "İnter" bu gün qardaş ölkədə ilk sınaq matçına çıxıb. Azerisport.az xəbər verir ki, Kaxaber Tsxadadzenin yetirmələri Almaniyanın ikinci Bundesliqa təmsilçisi "Karlsrue" komandasıyla qarşılaşıb.
Yoldaşlıq matçı Bakı klubunun məğlubiyyəti ilə başa çatıb. Belə ki, almanların vurduğu 3 qola "bankirlər" sadəcə bir dəfə cavab verə biliblər.
Qeyd edək ki, norveçli baş məşqçi Yorn Andersinin komandası 1909-cu ildə Almaniya çempionu, 1955-1956-cı illərdə ölkə kubokunun sahibi, 1996-cı ildə İntertoto kubokunun qalibi və 1995-ci ildə İntertoto turnirinin finalçısı olub.
Yoxlama oyunu
19 yanvar
İnter - Karlsrue - 1:3 (1:2)
"İnter"in start heyəti: 1. Georgi Lomaya, 6. Samir Zərgərov, 10. Asif Mirili, 11. Asif Məmmədov, 14. Petar Zlatinov, 15. Vladimir Levin (k), 18. İlia Kandelaki, 21. Arif Daşdəmirov, 22. Peter Xrappan, 28. Baçana Tsxadadze, 44 Valeri Abramidze.
5. Almaniya klubu hesabı açır - 0:1
22. "Bankirlər" ikinci qola üzülürlər - 0:2
33. Almanların qapısına penalti təyin olunur
34. B.Tsxadadze on bir metrlik cərimə zərbəsini dəqiq yerinə yetirir - 1:2
İkinci hissəyə Kaxaber Tsxadadze fərgli heyət çıxarıb. Belə ki, meydana Səlahət Ağayev, Danildo Assioli, Xəyal Mustafaev, Bronislav Çervenka, Əziz Quliyev, Elnur Abdulov, Nizami Hacıyev, Boyan Beliç, Fuad Bayramov və Girt Karlson daxil olurlar. "İnter"in start heyətindən meydanda ancaq kapitan Vladimir Levin qalıb
73. Almanlar üçüncü qola sevinirlər - 1:3
