20 yanvar 2012 01:53
İtaliya kuboku: İnter də növbəti mərhələdə (YENİLƏNİB)
İtaliya kubokunda 1/8 final mərhələsinin son oyunları keçirilib. Azerisport.az xəbər verir ki, öncə “Milan” evdə “Novara” ilə münasibətlərinə aydınlıq gətirib.
Bir oyundan ibarət olan bu mərhələdə rəqibini evdə qəbul edən Milanın eyniadlı təmsilçisi bu üstünlükdən çətinliklə də olsa, yararlana bilib. Belə ki, erkən qol vurmasına baxmayaraq, milanlılar son dəqiqələrdə qapılarında qol görüblər. Bu üzdən qalibi əlavə vaxtda müəyyənləşdirmək lazım gəlib. Məhz əlavə vaxtda vurulan bir qol sayəsində “Milan” da İtaliya kubokunun 1/4 final mərhələsinə çıxıb.
Nəhayət, son 1/8 final qarşılaşmasında “Inter” “Genoa” ilə qarşılaşıb. Bu görüşdə də qələbəni meydan sahibləri bayram ediblər.
Qeyd edək ki, bu mərhələnin digər oyunları bir müddət öncə keçirilmişdi. “Juventus” “Bologna” üzərində 2:1 hesablı qələbə sayəsində 1/4 finala çıxmışdısa, “Siena” da səfərdə “Palermo” ilə 4:4 hesablı məhsuldar heç-heçəyə nail olmaqla mərhələ adlamışdı. “Lazio” “Verona”nı 3:2, “Roma” “Fiorentina”nı 3:0, “Napoli” “Cesena”nı 2:1 məğlub etməklə, adını 1/4 finala yazdırmışdı. Səfərdə “Udinese”nin qonağı olan “Chievo” isə 2:1 hesablı qələbə ilə gülən tərəf olmuşdu.
İtaliya kuboku
1/8 final mərhələsinin oyunları
18 yanvar
Milan – Novara – 2:1
19 yanvar
Inter - Genoa - 2:1
1/4 finalda aşağıdakı cütlüklər qarşılaşacaqlar:
Juventus - Roma
Lazio- Milan
Siena - Chievo
Inter - Napoli
