19 yanvar 2012 16:46
Samir Abasov: İkinci dövrəyə tam hazır olacağıq
Antalyada təlim-məşq toplanışında olan “Sumqayıt” Futbol Klubu hazırlığını davam etdirir. Azerisport.az xəbər verir ki, komandanın kapitanı Samir Abbasov hazırlıq prosesi ilə əlaqədar klubun rəsmi saytına açıqlama verib:
“Hazırlığımız yüksək səviyyədə keçir. Şükürlər olsun ki, tam heyətlə hazırlaşa bilirik, zədəli futbolçumuz yoxdu. Bu gündən etibarən isə yoxlama oyunlarına başlayırıq. Düzdü, belə qarşılaşmalarda önəmli olan nəticə deyil. Əsas odu ki, heyətə cəlb olunan yeni futbolçular kollektivə uyğunlaşa bilsin və komandanın oyununda artım olsun. Düşünürəm ki, bu toplanış komandaya yaxşı təsir edəcək və Premyer Liqanın ikinci dövrəsinə qədər tam hazır olacağıq”.
