19 yanvar 2012 18:32
Emil Mpenza Neftçinin düşərgəsini tərk etdi
"Neftçi"nin belçikalı hücümçüsü Emil Mpenza “flaqman”ın düşərgəsini tərk edib. Azerisport.az xəbər verir ki,futbolçu onunla maraqlanan klubların nümayəndələri ilə danışıqlar aparır.
"Neftçi"nin vitse-prezidenti Tahir Süleymanov bununla bağlı fikirlərini klubun rəsmi saytına danışıb: "Almaniyanın "Dinamo" (Drezden) klubu ilə görüşdən sonra Emil Mpenza yanvarın 18-də komandanın məskunlaşdığı "Mardanspor" kompleksini tərk edib. Hazırda futbolçu, onu heyətinə qatmaq istəyən 2 klubla danışıqlar aparır. Danışıqlar prosesi davam etdiyindən klub ların adlarının açıqlanması düzgün olmaz. Təbii ki, futbolçunun digər kluba keçidində "Neftçi" PFK-nın da öz mövqeyi və maraqları var. Bütün danışıqlar prosesi birbaşa klub prezidentinin nəzarətindədir. Emil Mpenzanın hər hansı bir kluba keçidinin həll olunmasında son qərarı "Neftçi" PFK-nın prezidenti Sadıq Sadıqov verəcək".
