19 yanvar 2012 11:55
Vaqif Cavadov: Hər kəsin səhvi olur
Rusiyanın “Volqa” klubundan ayrılaraq “Qarabağ”a qayıdan Vaqif Cavadov bu münasibətlə azerisport.az saytının suallarını cavablandırıb.
- “Qarabağ”a qayıtmağa nə vaxt qərar verdiniz?
- Hər şey son 2-3 gündə gerçəkləşdi. Mənim ailəmdə müəyyən çətinliklərim var. Məhz bu üzdən vətənə dönmək məcburiyyətində qaldım. Həm də “Qarabağ” rəhbərliyi tərəfdən mənə maraq var idi. Düşündüm və ən yaxşı variant kimi bunu seçdim.
- Sizcə, “Volqa”dakı işləriniz niyə uğurlu alınmadı?
- Mən deməzdim ki, alınmadı. Normal oynayırdım. Hər şey daha yaxşı olmalıydı. Amma ailə problemləri məni Bakıya qayıtmağa məcbur etdi.
- Mən deməzdim ki, alınmadı. Normal oynayırdım. Hər şey daha yaxşı olmalıydı. Amma ailə problemləri məni Bakıya qayıtmağa məcbur etdi.
- Yəni, klub rəhbərliyi ilə probleminiz yox idi?
- Xeyr. Qardaşım xəstədi və mən ondan uzaq qala bilməzdim. “Volqa” rəhbərliyi və məşqçilər korpusu ilə də əla münasibətlərim qalmaqdadı.
- Xeyr. Qardaşım xəstədi və mən ondan uzaq qala bilməzdim. “Volqa” rəhbərliyi və məşqçilər korpusu ilə də əla münasibətlərim qalmaqdadı.
- Amma “Volqa”nın rəsmi saytında yazılıb ki, ayrılmaq təşəbbüsü klub tərəfdən olub...
- Bu təşəbbüs hər iki tərəfdən olub. Qərar verdik ki, bu, ən yaxşı variantdı. Sadəcə, “Volqa” mənə problem yaratmaq istəmədi.
- Niyə komandayla Türkiyə toplanışına getməmişdiz?
- Artıq o vaxt danışıqlar gedirdi. Hər şeyə qərar vermək üçün vaxta ehtiyac vardı.
- Artıq o vaxt danışıqlar gedirdi. Hər şeyə qərar vermək üçün vaxta ehtiyac vardı.
- “Volqa” sizə olan borclarını ödəmişdi?
- Son ayların pulu qalırdı. Amma bununla bağlı problem olacağını düşünmürəm.
- Maraqlıdı ki, “Qarabağ”dan başqa klublarda oyunlarınız alınmır...
- Hər kəsin səhvi olur. Futbolçu həyatı elədi ki, bu gün burdasansa, sabah başqa komandada ola bilərsən. Həmişə demişəm ki, “Qarabağ” mənim ikinci evimdi. Ağdam klubunun rəhbərliyinə təşəkkür edirəm ki, yenidən bu komandada oynamağıma şərait yaratdılar. Əlimdən gələni edəcəm ki, ümidləri doğruldum.
- Sizcə, “Qarabağ”ın əsas heyətinə düşə biləcəksiz?
- Mən “Volqa”da ehtiyatda qalmırdım. Son oyunlarda meydana çıxırdım, formamı itirməməyə çalışırdım. Azərbaycan mətbuatı məni kəskin tənqid etsə də, Rusiya mətbuatı həmişə mənim oyunumu yaxşı qiymətləndirirdi. Düşünürəm ki, fevrala kimi tam hazır olacağam.
- Mən “Volqa”da ehtiyatda qalmırdım. Son oyunlarda meydana çıxırdım, formamı itirməməyə çalışırdım. Azərbaycan mətbuatı məni kəskin tənqid etsə də, Rusiya mətbuatı həmişə mənim oyunumu yaxşı qiymətləndirirdi. Düşünürəm ki, fevrala kimi tam hazır olacağam.
- Fevralda oynayacağınıza əminsiz? Axı AFFA sizi yığmadakı qalmaqala görə 5 oyunluq cəzalandırıb...
- Mənim yığmadakı problemim klubdakı işlərimə qarışdırılmamalıdı. İnanıram ki, AFFA öz qərarını dəyişəcək. Beş oyun çoxdu. Onu ya azaltmaq, ya da tam ləğv etmək olar. İstəməzdim ki, buna görə “Qarabağ” çətinliklə üzləşsin.
- “Qarabağ”ın çempionluq şanslarını necə dəyərləndirirsiz?
- “Qarabağ” xalqın komandasıdı. Ağdam klubu həmişə avrokuboklarda layiqli oynayır. Bu mövsüm üçün də yaxşı şanslarımız var. Bilirik ki, azarkeşlər bizdən çempionluq gözləyirlər. Potensialımız da böyük hədəflər haqda düşünməyə imkan verir. Komandanın çempionatı mümkün qədər üst pillələrdə bitirməsi üçün əlimdən gələni edəcəm.
- “Qarabağ” xalqın komandasıdı. Ağdam klubu həmişə avrokuboklarda layiqli oynayır. Bu mövsüm üçün də yaxşı şanslarımız var. Bilirik ki, azarkeşlər bizdən çempionluq gözləyirlər. Potensialımız da böyük hədəflər haqda düşünməyə imkan verir. Komandanın çempionatı mümkün qədər üst pillələrdə bitirməsi üçün əlimdən gələni edəcəm.
