19 yanvar 2012 21:15
Sumqayıt Jetısunu məğlub etdi (YENİLƏNİB)
Antalyada təlim-məşq toplanışında olan “Sumqayıt” Futbol Klubu bu gün qardaç ölkədə ilk yoxlama oyununu keçirib. Azerisport.az xəbər verir ki, Bernard Raabın komandasının rəqibi Qazaxıstan Premyer Liqasının 2-ci pilləsində qərarlaşan “Jetusi” klubu olub.
Oyun Bakı vaxtı ilə 19:30-da “Arcadia Limak” otelinin stadionunda baş tutub. Fasilədən sonra vurulan iki qol təmsilçimizə qələbə qazandırıb.
Qeyd edək ki, “Sumqayıt” ikinci oyununu yanvarın 21-də Bakı vaxtı ilə saat 17:00-da 2-ci Bundesliqada mübarizə aparan “Paterborn” klubuna qarşı keçirəcək. “Sumqayıt” FK-nın üçüncü yoxlama matçı isə yanvarın 24-də Rusiya 1-ci liqa təmsilçisi “Fakel”ə qarşı olacaq. Bu görüşün keçirilmə vaxtı ilə əlaqədar saytımızda məlumat veriləcək.
Yoxlama oyunu
19 yanvar
Sumqayıt - Jetısu - 2:0 (0:0)
"Sumqayıt"ın start heyəti: Andrey Popoviç, Badavi Hüseynov, İlyas Quliyev, Şamil Camaləddinov, Tərlan Quliyev, Eşqin Quliyev, Emin Mustafayev, Samir Abdulov, Orxan Həsənov, Mahmud Qurbanov, Kamil Nurəhmədov.
70. Sonradan meydana çıxan Ramil Həşimzadə hesabı açır - 1:0
77. "Sumqayıt"ın yeni transferi Uğur Pamuk uzaq məsafədən möhtəşəm qol vurur - 2:0
