20 yanvar 2012 13:00
Antonio Semedo: Bu şayiələr bizim üçün əlavə motivasiyadı
“Xəzər Lənkəran”ın portuqaliyalı yarımmüdafiəçisi Antonio Semedo azerisport.az saytına müsahibəsində bir çox suallara aydınlıq gətirib.
- Bu günlərdə “Barcelona” ilə “Real” arasında növbəti “El Klassiko” oynanıldı. Yəqin bilirsiz ki, Azərbaycanda da “Neftçi”ylə “Xəzər Lənkəran”ın duellərini “Böyük oyun” adlandırırlar. Bu müqayisə ilə razısız?
- Müqayisə aparmaq olar. Amma burda “Real”la “Barcelona” arasındakı oyunlara olan maraq yoxdu. Həm də Azərbaycan çempionatının oyunlarına çox az adam gəlir. Həm oyunçularda, həm də klublarda o səviyyə yoxdu. Meydançaların durumu da daha yaxşısını arzulamağa vadar edir.
- Sizin Azərbaycanla Portuqaliya arasındakı oyuna proqnozunuzu bilmək istərdik...
- Bu gün futbolda asan rəqib yoxdu. Yadımdadı Portuqaliya Bakıda necə iki xal itirmişdi. Bir müddət əvvəl yığmamız Kipri də uda bilmədi (4:4). Halbuki, hamı qələbəyə inanırdı. Əgər həmişə güclü qalib gəlsəydi, onda “Real” bütün çempionatların qalibi olardı. Yarım ilə hər şey dəyişə bilir. Təsəvvür edin ki, sizdə də yarım il sonra Ronaldo və ya Neymar kimi azərbaycanlı qanı axan bir vunderkind tapıla bilər.
- Klubdakı işlərinizə keçək. “Xəzər Lənkəran” optimal heyətlə hazırlaşmır. Yeni transferlər gəlməyib, Vobayla Mureşan yoxdu. Onlarsız çempionata hazırlaşa biləcəksiz?
- Mureşanla Vobayın yolunu gözləyirik. Bizə güclənmək lazımdı. Həm də hələ bütün futbolçular lazımi forma yığmayıblar. Mən özüm də ideal formamdan çox uzağam. “Turan”la oyunumuza kimi hazır olmalıyıq.
- Mureşanla Vobayın yolunu gözləyirik. Bizə güclənmək lazımdı. Həm də hələ bütün futbolçular lazımi forma yığmayıblar. Mən özüm də ideal formamdan çox uzağam. “Turan”la oyunumuza kimi hazır olmalıyıq.
- Sizcə, “Xəzər Lənkəran” çempion ola biləcək? Ümumiyyətlə, sizcə bu yolda komandada nə çatışmır?
- Nə çatışmadığı barədə danışmaq mənim səlahiyyətlərim daxilində deyil. Oyunçular hər matça qələbə üçün çıxmağa borcludular. Amma hərdən elə də olur ki, oyuna çıxıb var gücümüzlə mübarizə aparsaq da, nəticə qazana bilmirik. Hər halda uduzmağı heç kim sevmir.
- Nə çatışmadığı barədə danışmaq mənim səlahiyyətlərim daxilində deyil. Oyunçular hər matça qələbə üçün çıxmağa borcludular. Amma hərdən elə də olur ki, oyuna çıxıb var gücümüzlə mübarizə aparsaq da, nəticə qazana bilmirik. Hər halda uduzmağı heç kim sevmir.
- “Xəzər Lənkəran” ətrafında daim müxtəlif şayiələr dolaşır ki, hansısa futbolçu komandadan ayrılır. İndi də Vobayla Eder Bonfimin getməyə hazırlaşdığı iddia olunur...
- Bütün bu söz-söhbətlər həqiqəti əks etdirmir. Hamı bilir ki, ən yaxşı oyunçular bizdədi. Bu üzdən də digər komandalar bizim oyunçuları almaq istəyirlər. Vobay fantastik futbolçudu. Ederin də yaxşı karyerası var. Amma bütün bu şayiələr bizim üçün əlavə motivasiyadı. Deməli, biz öz işimizi düz görürük ki, haqqımızda da belə danışmağa məcbur edirik.
- Hansı klubları özünüzə əsas rəqib görürsüz?
- İlk altılıqda yer alan bütün klubları. Amma xüsusi olaraq “Neftçi” ilə “İnter”i qeyd edərdim. Hansı ki, indi turnir cədvəlində bizdən üstdə qərarlaşıblar. Əsas məqsədimiz onlarla yerlərimizi dəyişməkdi.
- İlk altılıqda yer alan bütün klubları. Amma xüsusi olaraq “Neftçi” ilə “İnter”i qeyd edərdim. Hansı ki, indi turnir cədvəlində bizdən üstdə qərarlaşıblar. Əsas məqsədimiz onlarla yerlərimizi dəyişməkdi.
- Bəs “Neftçi”yə 0:5 hesablı məğlubiyyətin revanşı barədə düşünmürsü?
- Bu, əsas hədəf deyil. Amma biz qələbə qazanmaq istəyirik. Həmin oyunumuz alınmadı.
- Sizcə, “Xəzər Lənkəran” bu mövsüm avrokuboklarda qələbə həsrətinə son qoya biləcək?
- Mən gələcək haqda danışmaq istəmirəm. Mənim üçün əsas indi olanlardı. Ola bilər ki, mövsümün sonunda mən klubda olmayım.
- Siz lap siyasətçilər kimi danışırsız...
- ... (gülür)
