20 yanvar 2012 01:28
Müdafiədən narazı Starkov: Hücumu gücləndirmək istəyirəm
“Bakı”nın baş məşqçisi Aleksandr Starkov azerisport.az saytına müsahibəsində komandasının Türkiyədəki hazırlığından danışıb.
- “Bakı” ilk təlim-məşq toplanışını iki sınaq matçı keçirməklə başa vurdu. Hollandiya “AZ Alkmaar”ına (1:5) və Almaniya “İngolstadt”ına (0:4) yenilgilərlə bağlı fikirlərinizi bilmək istərdik...
- Müdafiədə işlər heç də qaydasında getmir. Bu, komandanın ən ağrılı yerlərindən biridi. Biz müdafiə xəttimizi güclü komandalarla oyunlarda sınaqdan keçirmək istəyirdik. Həmin görüşlər də problemimizin nə qədər böyük olduğunu aşkarca göstərdi.
- Bunun üçün nisbətən zəif komandalarla qarşılaşmaq daha uyğun olmazdımı?
- Mən güclü rəqiblərlər oynamağımızı özüm istəmişdim. Çünki komandamızın bütün zəif cəhətlərini məhz belə komandalarla görüşlərdə bilmək mümkün idi. Bunlar sadəcə sınaq matçlarıdı və oyunçuları yoxlamaq üçün bir şansdı. Bu mərhələdə bizə məhz belə oyunlar lazımdı. Əlbəttə, belə böyük hesablarla uduzmaq xoş deyil. Amma oyunumuza ən yaxşı qiyməti mövsümün sonunda vermək lazımdı.
- Son oyunda meydana yeni futbolçu buraxdınız. Serbiyalı Vukaşin Tomiçlə bağlı nə düşünürsüz?
- O, özünü pis göstərmədi. Amma hələ sadəcə baxışdadı. Hələ onunla müqavilə bağlayıb-bağlayamayacağımızı bilmirik. Yaxşı hərəkətli oyunçudu. Amma müqavilədən danışmaq üçün hələ tezdi.
- Bu, “Bakı”nın yeni ildəki ilk transferi olacaq?
- Xeyr. Biz artıq iki yeni futbolçu almışıq. Sadəcə, onlar ehtiyat oyunçular skamyasında oturmuşdular və meydana çıxmadılar.
- Xeyr. Biz artıq iki yeni futbolçu almışıq. Sadəcə, onlar ehtiyat oyunçular skamyasında oturmuşdular və meydana çıxmadılar.
- Adlarını açıqlaya bilərsiz?
- Xeyr. Sadəcə bunu deyə bilərəm: biri müdafiəçi, digəri yarımmüdafiəçidi.
- Başqa da hansısa oyunçu almağı planlaşdırırsız?
- Bəli, mən daha üç futbolçunu komandamda görmək istəyirəm. Hücumu gücləndirmək istəyirəm.
- Son zamanlar belə deyirlər ki, “Bakı” “Xəzər Lənkəran”ın yarımmüdafiəçisi Julius Vobayı sıralarına qatır. Bu, düzdü?
- Mən bunu ilk dəfədi eşidirəm.
- Mən bunu ilk dəfədi eşidirəm.
- Bəs o, azad agent olsa?
- Mən olmayan şeydən danışmaq istəmirəm.
- Hollandiya klubu ilə oyunda yeganə qolunuzun müəllifi Uinston Parks son görüşdə yox idi. Niyə?
- O, İstanbulda müalicə olunur və bizə hazırlığın ikinci mərhələsində qoşulacaq. Onsuz komandamız rəqiblə mübarizədə az çətinlik çəkmədi.
- Bəs “Bakı”nın ayrıldığı futbolçular varmı?
- Aleksey Savinov, Vadim Boret, Əziz Quliyev və Emin Cəfərquliyev komandadan gedib. İndi onları yeni futbolçularla əvəz etməyə çalışırıq.
- Aleksey Savinov, Vadim Boret, Əziz Quliyev və Emin Cəfərquliyev komandadan gedib. İndi onları yeni futbolçularla əvəz etməyə çalışırıq.
