21 yanvar 2012 23:25
Araz 90 dəqiqə oynadı, komandası uduzdu (YENİLƏNİB)
Bu gün futbol üzrə Yunanıstan Superliqasında 18-ci turun oyunları keçirilib. Azerisport.az xəbər verir ki, Azərbaycan millisinin yarımmüdafiəçisi Araz Abdullayevin şərəfini qoruduğu “Panionios” səfərdə PAOK-la qarşılaşıb.
Qeyd edək ki, bu oyun öncəsi “Panetolikos” 19 xalla 9-cu pillədə qərarlaşmışdı. Lakin həmyerlimizin komandasının bu dəfəki rəqibi 29 xalla 4-cü pillədə gedirdi və liderlər qrupundan ayrılmamaq üçün mütləq qələbə qazanmağa çalışacaqdı. Gözlənildiyi kimi, meydan sahibləri erkən qolla bu istəklərini sübut ediblər. Amma bu qol matçda yeganə olub. Beləcə, Arazın komandası bu dəfə məğlubiyyətlə üzləşib.
Son oyunlarda start heyətində meydana çıxan Arazın bu dəfə hansı aqibəti yaşayacağı maraq doğururdu. Gözlənildiyi kimi, futbolçumuz bu oyunda da ilk dəqiqələrdən mübarizə aparmaq hüququ qazanıb və sonadək meydanda qalıb.
Yunanıstan Superliqası
18-ci tur
21 yanvar
PAOK - Panionios - 1:0 (1:0)
