21 yanvar 2012 15:34
Flavinyo: Daha sürətli futbol oynamağa çalışacağıq
"Neftçi"nin futbolçusu Flavinyo Türkiyədəki təlim-məşq toplanışı ilə bağlı fikirlərini klubun rəsmi saytına bölüşüb. Azerisport.az xəbər verir ki, braziliyalı yarımmüdafiəçi bunları dilə gətirib:
"Bu gün ikinci hazırlıq matçına çıxacağıq. Yoxlama oyununda dözümlük nümayiş etdirməliyik. Rəqibə qarşı daha sürətli futbol oynamağa çalışacağıq. Yəqin ki, məşqçilər heyəti ötən qarşılaşmada olduğu kimi bu dəfə də əksər futbolçulara şans verəcək. Belə olan halda hər kəsi oyunda sınamaq nəticə qazanmaqdan daha vacibdi".
