Bakı Bakıya dönüb, yeni səfərə hazırlaşır

"Bakı" futbol klubunun qış fasiləsində nəzərdə tutduğu hazırlıqların ilk mərhələsi başa çatıb. Azerisport.az xəbər verir ki, Antalyada təşkil olunan ilk təlim-məşq toplanışını yekunlaşdıran komanda dünən axşam saatlarında paytaxta döndü.

 

Futbolçular və personala 2 günlük istirahət verilib. Bazar ertəsi bir araya gələcək komanda həmin gün yenidən Türkiyəyə yollanacaq. Hazırlıqların ikinci hissəsi yenə də Antalyada baş tutacaq. 23 yanvar - 5 fevral tarixləri arasında ikinci təlim-məşq toplanışını həyata keçirməyi planlaşdıran "Bakı" 3 yoldaşlıq görüşü keçirəcək. Artıq rəqiblər və oyun günləri dəqiqləşib.

 

Yanvar ayının 26-da rəqib Rumınıyanın "Panduri" klubu olacaq. 1 fevral tarixində "Dinamo" Minsk (Belarus), 4 fevral günündə isə Slovakiyanın “Koşitse” klubları ilə yoxlama oyunları keçiriləcək.