21 yanvar 2012 22:09
Millimizin forvardı Sivasspora qələbə qazandırdı
Türkiyə Super Liqasında növbəti turun oyunları keçirilir. Azerisport.az xəbər verir ki, 21 yaşadək futbolçulardan ibarət milli komandamızın üzvü Cihan Özkaranın çıxış etdiyi “Sivasspor” bu turda “Bursaspor”un qonağı olub.
Cihan Özkara ehtiyatda qalıb və 81-ci dəqiqədə Mixael Eneramonun yerinə meydana daxil olub. Oyunda isə hesabı 24-cü dəqiqədə məhz Eneramo açıb. Lakin 85-ci dəqiqədə Pablo Batalya penaltidən bərabərliyi təmin edib. 88-ci dəqiqədə hakim “Bursaspor”un qapısına penalti təyin edib və topa yaxınlaşan Cihan Özkara “Sivasspor”a qələbə qazandırıb.
Xatırladaq ki, Cihan ötən turda da qol vurmuşdu.
