21 yanvar 2012 12:05
Azərbaycanlı hakim qamaqalla üzləşdi (FOTO)
Azərbaycanlı hakimin idarə etdiyi yoxlama matçı qalmaqalla başa çatıb. Azerisport.az xəbər verir ki, bu, FİFA hakimimiz Fariz Yusifovun Türkiyə toplanışı çərçivəsində yönəltdiyi Rusiyanın “Krılya Sovetov” klubu ilə İsveçrə “Tyun”u arasındakı qarşılaşmada baş verib.
Buna isə Yusifovun Rusiya klubunun heyətində Roman Qriqoryanın Roman Vorobyovun əvəzində meydana çıxmasına icazə verməməsi səbəb olub. Çünki Qriqoryan ilk yarıda meydanda olduğundan, FİFA qaydalarına əsasən, təkrar əvəzlənməyə icazə verilməyib.
Amma ruslar iddia edirlər ki, guya matçdan öncə həm bu cür dəyişikliklər, həm də qırmızı vərəqə alan futbolçunun başqasıyla əvəzlənməsinə dair qarşılıqlı razılıq əldə olunubmuş. Buna baxmayaraq, Yusifov Qriqoryanın meydana çıxmasına imkan verməyib. Belədə, Samara təmsilçisi meydanı tərk etməyə üstünlük verib və qarşılaşma başa çatmayıb. Halbuki, sözügedən futbolçunun yenidən meydana çıxmasına İsveçrə klubu da razılıq vermirmiş.
