22 yanvar 2012 12:24
Türklər Amitin çıxışını qiymətləndirdilər
Türkiyə Bank Asya birinci Liqasının sonuncu turu çərçivəsində Türkiyənin "Kayseri Erciyesspor" klubunun heyətində növbəti matçına çıxan Amit Quluzadənin oyunu qiymətləndirilib. Azerisport.az xəbər verir ki, "Bucaspor"la oyunda 11 dəqiqə meydanda olan Amitin çıxışı 4 balla layiq görülüb.
Türkiyə mətbuatı digər futbolçularla müqayisədə Amitin çıxışına aşağı bal verib. Bu da həmyerlimizin digər futbolçularla müqayisədə meydanda az olması ilə əlaqədardır.
Amitlə yanaşı daha 2 futbolçu da 4 balla qiymətləndirilib. Qalan oyunçular isə 4 və 5 bala layiq görülüblər. Qeyd edək ki, "Kayseri Erciyesspor" - "Bucaspor" oyunu 3:1 hesabı ilə qonaqların xeyrinə başa çatıb.
Erciyesspor: Ferhat - 4, Hakan - 5, Fatih Kılıçkaya - 5, Cemil – 6, Kemal Okyay – 5, Serkan – 5 (Mehmet Ayaz, 66) - 5, Hassan Vasva -5, Metin - 5 (Amit Quluzadə, 79) – 4, Hanni – 4 (Berk, 70) - 5, Emrah - 6, Gökhan Kaba -5.
