23 yanvar 2012 13:24
La Liqada daha bir baş məşqçi istefası
Futbol üzrə İspaniya La Liqasında növbəti baş məşqçi dəyişikliyi gerçəkləşib. Azerisport.az xəbər verir ki, “Granada” rəhbərliyi Fabrisiano Qonsalesin fəaliyyətinə son verib.
Komandanın uğursuz çıxışı sözügedən mütəxəssisə baha başa gəlib. Həftə sonunda oynanılan 19-cu turun “Espanyol”la səfər matçındakı 0:3 hesablı yenilgi isə hər şeyin sonu olub.
Qeyd edək ki, “Granada” 20 komandadan ibarət La Liqada 17-ci sırada qərarlaşıb və təhlükəli zonadan uzaqlaşa bilmir. Məhz bunu nəzərə alan klub rəhbərliyi Qonsalesə əvəzləyici tapmağa qərar verib. Baş məşçqi ilə yanaşı klubun idman direktoru Xuan Karlos Kordero da postundan uzaqlaşdırılıb.
Hələlik komandanın yeni baş məşqçisinin kimliyi tam dəqiqləşməyib. Amma böyük ehtimalla “Granada”nı bundan sonra “Atletico”nun sabiq çalışdırıcısı Abel Rezino çalışdıracaq.
