23 yanvar 2012 01:34
Droqba vurdu, Fil Dişi Sahili Afrika Millətlər Kubokuna qələbəylə başladı
Afrika Millətlər Kubokunda qrup mərhələsinin oyunları davam edir. Azerisport.az xəbər verir ki, Qabon və Ekvatorial Qvineyanın birgə ev sahibliyi etdiyi turnirin ikinci oyun günündə daha iki görüş baş tutub.
B qrupunda yer alan Fil Dişi Sahili yığması Sudanla üz-üzə gəlib. Droqbanın vurduğu yeganə qol həmyerlilərinə qələbə sevinci yaşatmağa kifayət edib.
Qrupun digər oyununda da Burkina Faso Anqola ilə qarşılaşıb. Bu görüşdə də anqolalılar çətin qələbəyə seviniblər.
Qeyd edək ki, bu dəfəki Afrika Millətlər Kubokunda 16 komanda 4 qrupda mübarizə aparır. Turnirin finalı fevralın 12-də baş tutacaq.
Afrika Millətlər Kuboku
Qrup mərhələsi
B qrupu
22 yanvar
Fil Dişi Sahili – Sudan – 1:0
Qol: Droqba, 39.
Burkina Faso – Anqola – 1:2
Qollar:Traore, 57 – Mateus, 48, Manuxo, 68.
Bu gecə C qrupu çərçivəsində Qabon Nigerlə, Mərakeş isə Tunislə üz-üzə gələcək.
