23 yanvar 2012 15:12
Qarabağ fransalı futbolçudan imtina etdi
“Qarabağ” yenidən məşqlərə başlayıb. Azerisport.az xəbər verir ki, komandanın baş məşqçisi Qurban Qurbanov “Taras”la oyundan (0:1) sonra komandaya 1 günlük izin vermişdi.
Yaranmış fasilədən yararlanan futbolçular ötən gün şəhərə gəzməyə çıxıblar. Bu günə isə 2 çalışmayla start verilib. İlk məşq ənənəvi olaraq yerli vaxtla 11:00-da başlayıb. Təxminən 90 dəqiqə davam edən çalışma fiziki hazırlığa yönəlib. Qızdırıcı təmrinlərdən sonra “stansiya” çalışmaları yerinə yetirilib. Sonda isə toplu hərəkətlərlə ilk çalışma sona çatın.
Bu arada komandamızın düşərgəsinə baxışa gələn futbolçulardan biri artıq yola salınıb. Fransalı Sofiane Cobuaninin hazırlığı yetərli olmadığına görə geri göndərilib. İgor Yuqoviç və Dmitri Rekiş isə hələ düşərgədədi. Adı çəkilən futbolçular 2 gün sonra “Rid”lə baş tutacaq oyunda bir daha yoxlanılacaq.
