26 yanvar 2012 13:22
Qarabağ Rumıniya və Gürcüstan klubları ilə qarşılaşacaq
“Qarabağ”ın Antalyada 5 yoxlama oyunu keçirəcəyini xəbər vermişdik. Azerisport.az xəbər verir ki, öncə Qazaxıstanın “Taras” klubu, ardınca Avstriya “Rid”i ilə qarşılaşan komandanın yanvarın 27 və 31-də, eləcə də fevralın 3-də keçirəcəyi yoxlama matçlarındakı rəqiblərinin kimliyinə də aydınlıq gəlib.
Belə ki, Ağdam klubu sabah Ruminiyanın məşhur “Vaslui” komandasıyla qarşılaşacaq. Son 2 mövsüm ölkə çempionatının bürünc mükafatçısı, cari mövsüm Avropa Liqasının qrup mərhələsində oynamış rumınlarla oyun Bakı vaxtıyla 18:30-da start götürəcək.
Yanvarın 31-də daha bir rumın klubu ilə qarşılaşma baş tutacaq. Bu dəfə ağdamlılar Superliqa təmsilçisi “Petrolul Ploiesti”ylə qarşılaşacaqlar. Nəhayət sonuncu görüş 2 qat Gürcüstan çempionu “Vit-Gorgiya”ya qarşı olacaq.
