26 yanvar 2012 18:56
Bakı Arsenal ilə qarşılaşacaq
Türkiyədəki təlim-məşq toplanışını davam etdirən “Bakı” qardaş ölkədə daha bir yoxlama matçı keçirəcək. Azerisport.az xəbər verir ki, Aleksandr Starkovun komandası Ukraynanın yüksək liqa təmsilçisi ilə qarşılaşmağa hazırlaşır.
Belə ki, latviyalı mütəxəssis Kiyev “Arsenal”ıyla yoxlama matçı üçün razılıq əldə edib. Sözügedən komandalar arasındakı oyun yanvarın 29-da baş tutacaq.
Qeyd edək ki, “zolaqlılar” Antalyadakı ilk sınaq matçında Hollandiya çempionatının lideri “AZ Alkmaar”la üz-üzə gəlmişdilər. Lakin Starkovun komandası çox ağır yenilgi ilə üzləşmişdi - 1:5. Elə Almaniyanın birinci liqa təmsilçisi “İngolstadt 04” klubu ilə qarşılaşmada da “Bakı” 4 cavabsız qolla yenilmişdi. Bu gün isə paytaxt təmsilçisi Rumıniyanın "Panduri" klubu ilə üz-üzə gələcək.
