26 yanvar 2012 20:01
“Nə olursa olsun, biz hədəfimizə mütləq çatacağıq”
Azerisport.az sizi “Bakı”nın və Sierra Leone millisinin müdafiəçisi İbrahim Karqbonun müsahibəsi ilə tanış edir.
- Premyer Liqanın ikinci dövrəsinə Antalyada hazırlaşırsınız. Türkiyədəki birinci toplanışdan sonra özünüzü necə hiss edirsiniz?
- Əsasən fiziki baxımdan xeyli “artırmışıq”. Hazırlığın bu mərhələsi əsasən buna həsr edilmişdi.
- İkincı hazırlıq prossesi başlayıb. Komandanızda vəziyyət necədi?
- Bildiyiniz kimi qış fasiləsində komandamızda köklü dəyişikliklər baş verib. Birdən-birə 12 futbolçunun komandadan ayrılması və onların yerinə gələnlərin uyğunlaşması çox ağır bir prossesdi. Buna baxmayaraq baş məşqçimiz Aleksandr Starkovun bu vəzifənin öhdəsindən məharətlə gələcəyinə ümid edirəm.
- Hazırda komandanızın heyətində bir neçə gənc futbolçular çıxış edir. Onlarla birgə klub rəhbərliyinin qarşıya qoyduğu məqsədə çatmaq çətin olmayacaq ki?
- İstənilən halda qarşıya qoyulan vəzifəyə çatmaq asan deyil. Təcrübəli futbolçuların çoxluğu əlavə üstünlükdü. Buna baxmayaraq, klubun öz siyasəti var. Burada yerli futbolçuların yetişdirilməsinə də ciddi önəm verilir. Ona görə də heyətdə bir neçə gənc futbolçu yer alır. İnanıram ki, çempionatın sonunda bu gənclərlə birgə hansısa nailiyyət qazanacağıq.
- İstər yoldaşlıq, istətrsə də çempionat oyunlarında “Bakı” uğurlu çıxış edə bilmir…
- Məncə bunlar hamısı keçmişdə qalıb. Biz yalnız gələcək barədə düşünürük. Heyətimiz yenilənib. Çətin də olsa, bizim əlavə vaxtımız yoxdu. Yoldaşlıq oyunlarındakı nəticələr isə nisbidi. Onu da unutmaq lazım deyil ki, rəqiblərimiz çox güclü klublardı. Buna baxmayaraq, komandanın hansı gücdə olduğu barədə fakir yürütmək düzgün deyil. Biz Almaniya II divizion klubuna uduzduq. Burada qeyri-adi heç nə yoxdu. Hollandiya çempionatının lideri “Alkmaar”la oyunda da şanslar qeyri bərabər idi.
- Yeri gəlmişkən, həmin “Alkmar”a ötən illərdə çıxış etdiyin Hollandiya liqasında dəfələrlə oynamısınız…
- Bu komanda barədə yetərli qədər məlumatlı idik. Çox güclü heyətə malik klubdu. Orada bir neçə dostum oynayır. Hollandiya millisinin bir neçə futbolçusu bu klubda top qovur. Hollandiya isə FİFA reytinqində 2-ci yerdədi. Özünüz başa düşdünüz də, necə klubla oynamışıq.
- Hər halda 5 top buraxmağınız təəccüblü idi…
- Yenə deyirəm, yoldaşlıq görüşlərindəki nəticələr nisbidi. Komandamız ikinci hazırlıq mərhələsinə qədəm qoyub. “Bakı” mükafatlar üçün iddialıdı. Öz gücümüzü çempionatda göstərəcəyik.
- Rəqibləriniz “Xəzər Lənkəran”dan savayı, “İnter” və “Neftçi”də elə də ciddi dəyişiklik olmayıb. Bu rəqiblərlə müqaisədə komandanızın çempionluq şanslarını necə dəyərləndirirsiniz?
- Obyektiv olsaq deməliyəm ki vəziyyətimiz elə də yaxşı deyil. Çempionatda 6-cı pillədəyik. Kubokda isə yarışa davam edirik. Heyətimizdə çox dəyişikliklər olub. Bir dövrə ərzində 12 oyunçunun gəlişi ilə çempion olmağımız çətin olacaq. Rəqiblərimizin heyəti demək olar sabitdi. Xüsusən də “Neftçi” çox güclüdü. Onların necə hazırlaşdığı, hansı futbolçuları alması bizi maraqlandırmır. Nə olursa olsun, biz hədəfimizə mütləq çatacağıq.
ibrahimkargbo.az
