26 yanvar 2012 00:37
Paytaxt derbisində heç-heçə qeydə alındı
"Şəfa" stadionunda təlim-məşq toplanışını davam etdirən "İnter"in əvəzedici komandası növbəti yoxlama görüşünə çıxıb. Azerisport.az xəbər verir ki, "Bakı"nın əvəzedicilərini qəbul edən komanda bu matçda iki dəfə hesabda məğlub duruma düşsə da, əzmkarlıq göstərərək hər iki dəfə hesabı bərabərləşdirməyə nail olub.
Nəticədə oyun qollu heç-heçəylə başa çatıb - 2:2. Qeyd edək ki, “bankirlər”in heyətində Samir Hüseynli və Ramil Mansurov fərqləniblər. "İnter"in digər futbolçusu Əbülfəz Hüseynli isə aktivinə iki məhsuldar ötürmə yazıb.
Xatırladaq ki, Tofiq Mustafayevin rəhbərlik etdiyi komandanın növbəti rəqibi "Qəbələ"nin əvəzedici heyəti olacaq.
