27 yanvar 2012 13:58
“Azərbaycandan son üç ildəki məğlubiyyətlərin qisasını aldıq”
Futzal üzrə Ukrayna yığmasının baş məşqçisi Gennadi Lisençuk Bakıda təşkil olunan ənənəvi beynəlxalq turnirdən sonra fikirlərini açıqlayıb. Azerisport.az turnirin qalibi adını qazanan ukraynalıların çalışdırıcısının müsahibəsi ilə sizi də tanış edir.
- Sizin qarşıdakı turnirə hazırlığınızı analiz etsək, demək olar ki, bu qışı ikinci evinizə çevrilən günəşli Bakıda keçirdiniz...
- Bunda nəsə var (gülür). Dünya çempionatının seçmə mərhələ oyunlarının ardından biz yenə Bakıya yollandıq. Bu dəfə Azərbaycan paytatında sayca beşinci dəfə keçirilən ənənəvi turnirə qatıldıq. Hansı ki, bu turnirdə meydan sahibləri ilə yanaşı, Türkiyə və Özbəkistan da çıxış edirdi. Bakıda biz 10 gün ərzində çox gözəl təlim-məşq toplanışı keçirdik. Bunun üçün hər cür şərait yaradılmışdı. Yaşayış üçün gözəl otel, məşqlər üçün İdman Sarayı, sauna, hovuz... Bir sözlə istənilən şəraitimiz var idi. Eyni zamanda üç əla sınaqçı-rəqiblə qarşılaşdıq.
- Amma Türkiyə və Özbəkistan bir qədər ekzotik rəqib təsiri bağışlamırmı?
- Özbəklər Asiya çempionatının gümüş mükafatçısıdılar. Hazırda da növbəti qitə çempionatına hazırlaşırlar. Türklərə gəlincə... Bilirsiz, biz onları ilk oyun günündə 5:1 hesabıyla məğlub edəndə çoxları deyirdi ki, niyə belə az vurmusuz, daha böyük hesabla qələbə qazanmalıydız və s. Amma sonrakı oyunlarda onları heç kim məğlub edə bilmədi. Biz isə özbəkləri 2:1, meydan sahiblərini 3:2 hesabıyla yenə bildik. Belə olan halda biz Alesio da Silvanın yetirmələrindən son üç ildəki məğlubiyyətlərin qisasını da almış olduq.
- Özbəklər Asiya çempionatının gümüş mükafatçısıdılar. Hazırda da növbəti qitə çempionatına hazırlaşırlar. Türklərə gəlincə... Bilirsiz, biz onları ilk oyun günündə 5:1 hesabıyla məğlub edəndə çoxları deyirdi ki, niyə belə az vurmusuz, daha böyük hesabla qələbə qazanmalıydız və s. Amma sonrakı oyunlarda onları heç kim məğlub edə bilmədi. Biz isə özbəkləri 2:1, meydan sahiblərini 3:2 hesabıyla yenə bildik. Belə olan halda biz Alesio da Silvanın yetirmələrindən son üç ildəki məğlubiyyətlərin qisasını da almış olduq.
- Siz Bakıya heç də əsas heyətlə yollanmamışdız...
- Bəzi oyunçularımız cəzalı idilər. Əvəzində biz ehtiyat qüvvəni sınaqdan keçirdik, onlara şans verdik. Deyərdim ki, bu gənclərdən çox razı qaldım. Xüsusilə də qapıçı Dmitri Likvinenko və Kiril Çipundan.
