27 yanvar 2012 16:53
Mussa Sou rəsmən Fenerbahçedə
Türkiyənin “Fenerbahçe” klubu qış transfer pəncərəsində ən səs-küylü keçidi rəsmiləşdirib. Azerisport.az xəbər verir ki, İstanbul klubu Mussa Sounun transferini tam həll edib.
Artıq klub bununla bağlı bu gün rəsmi saytı ilə açıqlama yayıb. “Fenerbahçe”nin açıqlamasında bildirilir ki, Sou ilə 2015-2016 mövsümünün sonuna qədər anlaşma imzalanıb. Futbolçu artıq tibbi müayinədən də keçib.
Qeyd edək ki, Mussa Sou Fransanın “Lille” klubunda çıxış edir. Bundan əvvəl “Rennes” və “Sedan”ın formasını geyinmiş 26 yaşlı hücumçu Seneqal millisində 13 oyun keçirib, 5 qol vurub.
Seneqal millisi ilə Afrika Millətlər Kubokunda çıxış edən Sou komandasını pley-off mərhələsinə vəsiqə qazana bilməyəcəyi dəqiqləşən kimi, bu gecə İstanbula gəlib. Sabahdan onun yeni komandasının hazırlıqlarına qatılması gözlənilir.
