27 yanvar 2012 12:52
Neftçinin rəqibləri bu gün müəyyənləşəcək
Türkiyənin Antalya şəhərində Çeçenistan Respublikasının ilk prezidenti Əhməd Kadırovun xatirəsinə həsr olunmuş beynəlxalq futbol turniri keçiriləcək. Azerisport.az xəbər verir ki, 28 yanvar tarixində başlayacaq yarışa fevralın 3-də yekun vurulacaq.
Turnirdə 8 komanda iştirak edəcək: "Neftçi" (Bakı, Azərbaycan), "Paxtakor" (Daşkənd, Özbəkistan), Poloniya (Varşava, Polşa), "Metallist" (Xarkov, Ukrayna), "Rapid" (Buxarest, Rumıniya), "Bilis" (Albaniya), "Ordabaşı" (Qazaxıstan), Terek (Qroznı, Rusiya).
Yanvar ayının 26-da turnirdə iştirak edəcək klubların rəhbərləri "Kalista" otelində bir araya gəliblər. Bu gün isə yarışın püşkatma mərasimi təşkil olunacaq. İlk mərhələdə 8 komanda hərəsində 4 klub olmaqla 2 yarımqrupa bölünəcək. Qrup qalibləri 3 fevral tarixində "Mardan" stadionunda keçiriləcək final oyununda üz-üzə gələcək.
Turnirin təşkilatçılığını "Terek"futbol klubu və Türkiyənin "Enda Tour" şirkəti həyata keçirir.
