28 yanvar 2012 18:49
Kəpəz Polşa klubunu da yendi (YENİLƏNİB)
Antalyada təlim-məşq toplanışında olan “Kəpəz” bu gün daha bir yoxlama oyununda qüvvəsini sınayıb. Azerisport.az xəbər verir ki, Gəncə təmsilçisinin bu dəfəki rəqibi Polşa klubu olub.
Belə ki, “Kəpəz” “Qurnik” klubu ilə qarşılaşıb. Fuad İsmayılov yetirmələrini bu dəfə daha güclü komanda ilə sınaqmaq qərarına gəldiyidən rəqib kimi Polşa klubu seçilib. Qarşılaşmada daha yaxşı təsir bağışlayan Gəncə klubu inamlı qələbəyə sevinib.
Qeyd edək ki, “Qurnik” 17 turdan sonra 20 xalla turnir cədvəlinin 11-ci pilləsində qərarlaşıb.
Xatırladaq ki, “Kəpəz” ilk yoxlama oyununda Qazaxıstanın “Atırau” klubunu 4:1 hesabı ilə yenmişdi.
Yoxlama oyunu
28 yanvar
Kəpəz - Qurnik - 3:1 (1:1)
"Kəpəz"in start heyəti: Elşən Poladov, Azər Məmmədov, İvan Arabaci, Şahin Alhüseynov, Pərvin Paşayev, Nikolay Svejentsev, Sabiq Allahquliyev, Dmitri Parxaçov, Ceyhun Sultanov, Yuri Fomeno.
Matç başladı
S.Allahquliyevə C.Sultanovun ötürməsini qapıya göndərməyə azacıq dəqiqlik çatmadı
Sultanovun zərbəsi qapıdan azacıq yan keçir
25-ci dəqiqədə Dmitri Parxaçov hesabı açır - 1:0
Lakin 10 dəqiqə sonra polşalılar cavab qolunu vururlar - 1:1
Birinci hissə başa çatdı
İkinci hissə başladı
Fasilədən dərhal sonra Fomenko qol vurmağa yaxın olsa da, ona azacıq dəqiqlik çatışmır
58-ci dəqiqədə isə Fomenko istəyinə çatır və komandasını hesabda önə keçirir - 2:1
Oyun demək olar ki, tək qapıya gedir
Sultanov qol vurmaq şansını qaçırır
Lakin 80-ci dəqiqədə Ceyhun da istəyinə çatır və gözəl zərbə ilə hesab arasındakı fərqi artırır - 3:1
Matç başa çatdı
