Qarabağ darmadağın gördü (YENİLƏNİB)

Türkiyədə təlim-məşq toplanışında olan “Qarabağ” bu gün qardaş ölkədə dördüncü sınaq matçına çıxıb. Azerisport.az xəbər verir ki, Qurban Qurbanovun yetirmələri qüvvəsini Ukraynanın “Obolon” komandasıyla görüşdə sınayıb.

Görüşdə hesabı Ukrayna təmsilçisi açıb. Fasilədən sonra daha iki qol vuran ukraynalılar komandamızı darmadağınla məğlub ediblər.

 

Qeyd edək ki, Ağdam təmsilçisinin Türkiyədəki ilk rəqibi Qazaxıstanın “Taras” komandası olmuşdu – 0:1. Avstriyanın “Rid” klubu ilə görüşdə Qurbanovun yetirmələri növbəti məğlubiyyətə üzülmüşdülər - 1:3. Ruminiyanın məşhur “Vaslui” komandasıyla qarşılaşmada isə heç-heçə qeydə alınmışdı – 1:1.

 

Yoxlama oyunu

30 yanvar

Qarabağ - Obolon - 0:3 (0:1)

 

"Qarabağ"ın start heyəti: Osman Umarov, Kamil Hüseynov, Eltun Yaqublu, Emin İmaməliyev, İlqar Qurbanov, Toğrul Bilallı, Nderim Nedzipi, Tural İsgəndərov, Qoran Paraçki, Vaqif Cavadov, Bəxtiyar Soltanov.

 

Matç başladı

3. Paraçki qapıya ilk zərbənin müəllifi olur

4. Eminin qapı qarşısına ötürməsi dəqiq olmur
5. Osman rəqib həmləsinin qarşısını alır

7. Vaqifin zərbəsini qapıçı çətinliklə dəf edir
8. Turalın baş zərbəsi alınmır

10. Daha bir qol şansı. Künc zərbəsindən uzaq sonrası qapıçıdan dönən topu Vaqif əla ram etsə də zərbəsi qapının üstündən keçir

13. Komandamız daha çox topa nəzarət edir
16. Bəxtiyarın ötürməsi son anda Vaqifə çatmadı
17. Osman rəqibin zərbəsini dəf edir

20. Komandamız daha çox hücumdadı
25. Oyunda sürət olsa da, qapılara yaxın düşmək çətinləşir

29. Bəxtiyarın reydi alınmır
31. Osmanın ram edə bilmədiyi topu Timçenko tora göndərir - 0:1

33. Qoranın ötürməsinə Tural çatmır
35. İlqarın sağ cinahdan qapı qarşısına əla ötürməsini tamamlayan olmur

40. Komandamız topa nəzarəti əldə saxlasa da, qapıya zərbə endirmək mümkün olmur
41. Eminin cərimə zərbəsi qapının üstündən keçir
45. İlk yarı başa çatdı

46. İkinci hissə başladı

49. Ukraynalılar 2-ci dəfə fərqlənirlər - 0:2
50. Eminin həmləsi nəticəsiz qalır

55. Oyun daha çox mərkəzdə gedir
57. Vaqifin zərbəsi dəqiq olmur

60. Tolstyakın cərimə zərbəsi dəqiq olmur

63. "Qarabağ"da dəyişiklik: Bəxtiyar Soltanov, Goran, İlqar Qurbanovun yerinə Rəşad Sadıqov, Zaur Həşimov, Rauf Əliyev meydana daxil olur
66. Komandamız ərazi üstünlüyü ələ keçirib
70. "Obolon" 3-cü dəfə fərqlənir - 0:3
71. "Qarabağ"da köklü dəyişiklik. Maksim, Teli, Namiq, Ansi, Adamiya, Vüqar oyuna daxil olur. Start heyətindən sadəcə Nedzipi meydandadı

74. Oyunda sürət artır
75. Adamiya son anda Nedzipinin ötürməsinə ayaq qoya bilmir
76. Vüqarın zərbəsini qapıçı 2-ci cəhddə ram edir

79. Bu dəfə Raufun zərbəsi dəqiq olmur
82. Ansi də təhlükə yaradır, amma qol  yoxdu
86.  Adamiya qapıya düşə bilmir
Oyun başa çatdı