30 yanvar 2012 19:00
Kəpəz Spartakı yenə bilmədi (YENİLƏNİB)
Antalyada təlim-məşq toplanışında olan Gəncənin "Kəpəz" klubu bu gün daha bir yoxlama oyununda qüvvəsini sınayı. Azerisport.az xəbər verir ki, gəncəlilərin bu dəfəki rəqibi Moskvanın "Spartak" klubunun əvəzedici heyəti olub.
Baş məşqçi Fuad Ismayılov bu dəfə komandanın gənc futbolçularına da şans verib. "Kəpəz" - "Spartak" matçının ilk yarısında hesab açılmayıb. Elə fasilədən sonra da tərəflər sükutu poza bilməyincə, qarşılaşma 0:0 hesabıyla başa çatıb.
Xatırladaq ki, “Kəpəz” ilk yoxlama oyununda Qazaxıstanın “Atırau” klubunu 4:1 hesabı ilə yenmişdi. Polşa təmsilçisi “Qurnik” ilə oyunda isə 3:1 hesablı qələbə qeydə alınmışdı.
Yoxlama oyunu
30 yanvar
Kəpəz – Spartak (Moskva) - 0:0 (0:0)
"Kəpəz"in start heyəti: Elşən Poladov, Azər Məmmədov, İvan Arabaçı, Şahin Kərimov, Pərvin Paşayev, Nikolay Svejentsev, Əli İsmayılov, Ceyhun Əhmədov, Dmitri Parxaçov, Ceyhun Sultanov, Yuri Fomenko.
Oyun başladı
Sürətli oyun gedir
Moskvalılar hələ ki, daha fəaldılar
"Kəpəz"i qapı dirəyi qoldan xilas edir
Gəncəlilər də iki təhlükəli qol vəziyyəti yaradırlar
Sultanovla Əhmədov qol şanslarını dəyərləndirə bilmir
Hər iki komanda növbəti şansları qaçırır
Birinci hissə başa çatdı
İkinci hissə başladı
Fuad İsmayılov fasilədən sonra start heyətini tam dəyişir
Junivan hesabı açmağa yaxın olsa da, şansını boşa verir
Matç başa çatdı
