30 yanvar 2012 20:48
İnter Sturma qalib gəldi (YENİLƏNİB)
Türkiyədə təlim-məşq toplanışında olan "İnter" bu gün qardaş ölkədə beşinci sınaq matçına çıxıb. Azerisport.az xəbər verir ki, Kaxaber Tsxadadzenin yetirmələri bu dəfə Avstriyanın “Sturm Graz” klubu ilə üz-üzə gəliblər.
Qarşılaşmada hesabı "bankirlər" açıblar. Hissənin sonlarında komandamız daha bir qol vurub. Düzdü, fasilə ərəfəsində Avstriya təmsilçisi buraxılan toplardan birinin əvəzini çıxıb. Amma "İnter" ikinci hissədə qələbə hesabını qorumağı bacarıb.
Xatırladaq ki, paytaxt klubu Türkiyədəki ilk oyununda Almaniyanın ikinci Bundesliqa təmsilçisi "Karlsrue" komandasıyla qarşılaşmışdı - 1:3. Albaniyanın “Skenderbeu”, eləcə də Ukraynaın “Volın” klubları ilə görüşlər sülhlə başa çatmışdı – 0:0. Türkiyənin aşağı divizion təmsilçisi “Konya Şekerspor” ilə matçda isə 3:2 hesablı qələbə qeydə alınmışdı.
Yoxlama oyunu
30 yanvar
İnter – Sturm Graz - 2:1 (2:1)
"İnter"in start heyəti: Georgi Lomaya, Arif Daşdəmirov, Vladimir Levin, Valeri Abramidze, Peter Xrappan, İlia Kandelaki, Branislav Çervenka, Asif Məmmədov, Petar Zlatinov, Aleksandr Qross, Baçana Tsxadadze.
Oyun başladı
Komandalar oyuna fəal başlayıblar
9-cu dəqiqədə "İnter" Asif Məmmədovla erkən qola imza atır - 1:0
Meydanda qarşılıqlı hücumlar bir-birini əvəzləyir
Tsxadadze yaxşı qol fürsətini boşa verir
39-cu dəqiqədə "bankirlər" daha bir qol vurur. Baçana penaltini dəqiq yerinə yetirir - 2:0
45-ci dəqiqədə avstriyalılar buraxılan qollardan birinin əvəzini çıxırlar - 2:1
Birinci hissə başa çatdı
Ikinci hissə başladı
Hər 2 komanda ardıcıl hücumlar təşkil etməkdədi
Asif Məmmədov rəqib qapıçı ilə üz-üzə qalsa da, dubla imza atmaq şansını qaçırır
Son dəqiqələrdə üstünlük Avstriya klubunun tərəfindədi
Matç başa çatdı
