31 yanvar 2012 14:08
Litva yığmasının oyunçusu Qarabağda
“Qarabağ” daha bir futbolçunu baxışa çağırıb. Azerisport.az xəbər verir ki, Qurban Qurbanov Litva millisinin üzvü Mindauqas Kalonasu sınaqdan keçirəcək.
Litvalı futbolçu artıq “Qarabağ”ın Antalyadakı düşərgəsinə gəlib. Baş məşqçinin ona bu gün keçiriləcək yoldaşlıq oyununda şans verəcəyi gözlənilir. Kalonasla bağlı yaxın günlərdə qərar veriləcək.
Qeyd edək ki, Mindauqs Kalonas 1984-cü ildə dünyaya gəlib. Karyerasına vətənində – “Jalgiris” klubunda başlayan 27 yaşlı yarımmüdafiəçi 2002-ci ildə Rusiyaya üz tutaraq Moskva “Dinamo”su və “Saturn”da forma geyinib. Daha sonra Portuqaliyanın “Braqa” klubuna keçən Kalonas 2003-2004 mövsümündə “Rubin”də çıxış edib. 2005-ci ildə vətəninə dönüb iki mövsüm “Metalurq”da forma geyinən futbolçu 2007-2008 mövsümündə Rusiya “Kuban”ında, ardınca isə Litvanın “Riqa” və İrlandiyanın “Bohemians” klublarının uğurları üçün tər töküb. Onun son iş yeri Ukraynanın “Metallurq” (Zaporoji) klubu olub.
Ölkə yığmasında 35 oyun keçirib 2 qol vuran Kalonas Litva və İrlandiya çempionluğunu, həmçinin hər iki ölkənin kubokunu qazanıb.
