31 yanvar 2012 17:19
Galatasaraydan şok ayrılıq, sürpriz transfer
Hücumçu axtarışlarını yekunlaşdıra bilməyən “Galatasaray” azarkeşləri gözlənilməz xəbərlə qarşılaşıb. Azerisport.az xəbər verir ki, Kolin Kazım gözlənilmədən komandadan ayrılıb.
Ötən il “Fenetbahçe”dən transfer olunan futbolçu Yunanıstanın “Olimpiakos” klubuna icarəyə verilib. Yunan klubu “Galatasaray”a 2 milyon avro ödəyəcək.
Qeyd edək ki, İngiltərədə doğulan Kazım bu ölkənin “Bari”, “Briqhton” və “Şeffild Yunayted” klublarından oynadıqdan sonra – 2007-ci ildə “Fenerbahçe”yə transfer olunub. 2010-da icarə əsasında “Tuluza”da oynayan futbolçu ötən il “Galatasaray”a keçib.
Məhz bu şokun ardından maraqlı bir xəbər də yayılıb. Belə ki, Türkiyə mətbuatı “Galatasaray”ın əcnəbi hücumçu almaq cəhdləri uğursuz alındığı üçün keçmiş forvardı Necati Ateşi geri qaytarmaq üzrə olduğunu bildirir.
