31 yanvar 2012 17:38
Bakı yeni transferləri açıqladı (FOTO)
"Bakı" qış transfer pəncərəsində 3 transfer reallaşdırıb. Azerisport.az xəbər verir ki, artıq paytaxt klubu bu transferlərini rəsmi saytı vasitəsilə ictimaiyyətə də açıqlayıb.
Belə ki, “zolaqlılar” öncədən də xəbər verdiyimiz kimi, müdafiəçi Duje Bakoviç, yarımmüdafiəçi Lukas Mario Horvat və müdafiəçi Nenad Kovaçeviçi rəngələrinə bağlayıb. Artıq adıçəlilən futbolçularıla rəsmi müqavilə imzalanıb.
Müqavilənin şərtlərinə əsasən, Duje Bakoviç və Lukas Mario Horvar 2 il ərzində "Bakı"nın formasını geyəcəklər. Nenad Kovaçeviçlə bağlı isə 1+1 il müddətli müqavilə qüvvəyə minib.
31 yaşlı Nenad Kovaçeviç son mövsümü "Srvena Zvezda" klubunun heyətində keçirib. Təcrübəli futolçu 25 dəfə Serbiya mili komandasının formasını geyinib. Boyu 177 sm-dir.
Lukas Mario Horvat Sloveniyanın "Domjale" klubundan gəlib. 26 yaşı var, boyu 178 sm-dir.
Duye Bakoviçin son klubu isə Xorvatiyanını "Riyeka"sı olub. Xorvatiyanın U-18, U-19, U-21 milli komandalarının heyətində çıxış edib. Boyu 187 sm-dir.
