1 fevral 2012 01:42
İtaliya A Seriyasını qar vurdu
Futbol üzrə İtaliya A seriyasında 21-ci turun startı baş tutmayıb. Azerisport.az xəbər verir ki, ötən gün keçirilməsi nəzərdə tutulan “Parma” – “Juventus” matçı oynanılmayıb.
Buna hava şəraitinin əlverişsiz olması səbəb olub. Belə ki, Parma şəhərinə yağan aramsız qar “Stadio Ennio Tardini”də futbol matçının keçirilməsini mümkünsüz etdiyindən, qarşılaşmanın qeyri-müəyyən vaxta təxirə salınmasına qərar verilib.
Xatırladaq ki, görüşün Bakı vaxtı ilə saat 23:45-də başlaması nəzərdə tutulmuşdu. 21-ci turun qalan görüşlərinin bu gün və sabah keçirilməsi nəzərdə tutulub. Lakin İtaliyanın əksər bölgələrini sarsıdan qar yağışlarının digər oyunlardan da bəzilərinin təxirə salınmasına səbəb ola bilər.
