1 fevral 2012 03:07
İspaniya və Xorvatiya Azərbaycana AÇ-də qələbənin yolunu göstərdi
Ötən gecə Xorvatiyada futzal üzrə növbəti Avropa çempionatı start götürüb. Azerisport.az xəbər verir ki, qitənin ən güclüsü adını qazanmaq üçün 12 komanda mübarizə aparır.
Artıq ilk oyun günündə 2 görüş keçirilib. Turnirin açılış matçında son qitə çempionu İspaniya B qrupu çərçivəsində Sloveniya ilə üz-üzə gəlib. İspanlar 4:2 hesablı qələbəyə seviniblər.
A qrupunda isə meydan sahibləri – Xorvatiya yığması Rumıniya ilə qarşılaşıb. Xorvatlar çətinliklə də olsa, qələbəyə seviniblər – 2:1.
Qeyd edək ki, AÇ-2012-nin ikinci oyun günündə daha 2 qarşılaşma keçiriləcək. C qrupunda İtaliya Türkiyə ilə, D qrupunda isə Azərbaycan Portuqaliya ilə qarşılaşacaq.
