1 fevral 2012 21:08
Antalyaspor Bakının hücumçusunu aldı
“Bakı”nın futbolçusu Jaba yenidən Türkiyə Superliqasına qayıdıb. Azerisport.az xəbər verir ki, braziliyalı futbolçu “Antalyaspor”a transfer olunub.
“Bakı” ilə “Antalyaspor” arasında gedən danışıqlar müsbət nəticələnib və Jaba Türkiyə klubunun düşərgəsinə yollanıb. Beləliklə, braziliyalı hücumçunun adı “Bakı”nın sifariş ərizəsində yer almayacaq.
Qeyd edək ki, “Antalyaspor” Necati Ateşlə yollarını ayırıb. “Galatasaray”a gedən futbolçunu Jaba əvəzləyəcək.
Qeyd edək ki, Jaba 2001-2003-cü illərdə Braziliyanın “Kortiba” klubunda çıxış edib. 2003-cü ildə Türkiyəyə üz tutan 30 yaşlı hücumçu “Ankaraspor” və “Ankaragücü”nün heyətində Super Liqada 141 oyun keçirib və 44 qol vurub. 2009-cu ildən “Bakı”nın formasını geyinən “sambaçı” 60 oyunda 17 qola imza atıb.
