3 fevral 2012 14:58
Xəzər Lənkəran yenə məğlub oldu (YENİLƏNİB)
Türkiyənin Antalya şəhərindəki təlim-məşq toplanışını başa vurmaq üzrə olan “Xəzər Lənkəran” bu gün sonuncu yoxlama matçına çıxıb. Azerisport.az xəbər verir ki, Lənkəran klubunun bu dəfəki rəqibi Rusiya təmsilçisiydi.
Belə ki, baş məşqçi Cüneyt Biçər yetirmələrini “Şinnik”lə oyunda sınayıb. Qarşılaşma komandamızın növbəti məğlubiyyəti ilə başa çatıb.
Qeyd edək ki, “Şinnik” klubu 1957-ci ildə yaradılıb. Yuri Qazzayevin başçılıq etdiyi komanda I divizionda çıxış edir. Komanda son mövsümü 3-cü pillədə başa vuraraq, Premyer Liqaya çıxmaq uğrunda play-off oyunlarına vəsiqə qazanıb.
“Xəzər Lənkəran” hazırlıq dönəmində keçirdiyi ilk 4 matçdan 3-nü qələbə ilə başa vurmuşdu. “Ağ-yaşıllar” Türkmənistan millisini 3:1, “Volfsburq II” (Almaniya) və “Atırau” (Qazaxıstan) klublarını isə 2:1 hesabı ilə məğlub edib, Rumıniyanın “Vointa Sibiu” klubuna isə uduzmuşdu – 0:4.
Antalya
Yoldaşlıq oyunu
3 fevarl
Xəzər Lənkəran – Şinnik - 1:3 (0:2)
Xəzər Lənkəran: Kamran Ağayev, Eder Bonfim, Elvin Beqiri, Elnur Allahverdiyev, Alim Qurbanov, Andrey Mureşan, Rahid Əmirquliyev, Elnur Abdullayev, Tounkara Sadio, Antonio Semedo, Branimir Subaşiç.
Oyun başladı
5. Hakim mübahisəli penalti təyin edir və ruslar hesabı açırlar – 0:1
Hesabda geri olmasına baxmayaraq, üstünlük “Xəzər Lənkəran”dadı
45. Yaroslavl klubu ikinci penaltidən vurulan qola sevinir - 0:2
Birinci hissə başa çatdı
İkinci hissə başladı
72. "Xəzər Lənkəran" qapısında üçüncü qolu görür - 0:3
90. Komandamız təsəlli qoluna imza atır - 1:3
Matç başa çatdı
