3 fevral 2012 14:54
Əfran Qarabağa qayıtdı
“Qarabağ”ın yarımmüdafiəçisi Əfran İsmayılovun İstanbula müayinəyə getdiyini xəbər vermişdik. Azerisport.az xəbər verir ki, Türkiyənin ən böyük şəhərində xüsusi müayinə prosesi keçən 23 yaşlı futbolçu artıq Antalyaya dönərək komandanın düşərgəsinə qoşulub.
İsmayılov durumu barədə açıqlama verib: “Əslində elə bir ciddi durum yox idi. Şükürlər olsun ki, zədəylə bağlı problemim yoxdu. Müalicə daha çox qüvvətləndirici xarakterli idi. Əməliyyat olunan sağ dizimdə xüsusi gücləndirici proqram tətbiq olundu. Çox faydalı olduğuna inanıram. İnaşallah, komandamızın məşqlərinə qatılıb çalışmalarda iştirak etməyimdə heç bir problem yoxdu. Baş məşqçimiz şans verəcəyi təqdirdə “VİT Georgia” ilə hazırlıq matçında meydana çıxa bilərəm”.
