3 fevral 2012 15:38
Böyükağa Hacıyev: Düzgün taktika seçmişdik
"Neftçi"nin baş məşqçisi Böyükağa Hacıyev Rusiya "Terek"i ilə oyundan sonra fikirlərini bölüşüb. Azerisport.az xəbər verir ki, o, komandasının 3:0 hesablı qələbəsini belə dəyərləndirib:
“Biz düzgün taktika seçmişdik və bunu bütün turnir boyu saxladıq. Hesab edirəm ki, çox gözəl qollar vurduq. Amma ilk baxışdan elə görünürdü ki, uşaqlar oyuna elə də yaxşı köklənməyiblər. Hesab 2:0 olandan sonra isə daha rahat və arxayın şəkildə öz oyunlarını sərgiləməyi bacardılar. "Neftçi" ardıcıl 3-cü oyununda da qalib gəldi. Bütün futbolçuların çıxışından razı qaldım. Rail Məlikovla, Ruslan Abışovun yoxluğunu, onların əvəzinə meydana çıxmış futbolçular hiss etdirmədilər. Komandamızın start heyətində 7-8 azərbaycanlı futbolçu meydana çıxmişdı. Sonradan şans verdiyim futbolçular da yerli və gənc oyunçular idi. Bu isə o deməkdir ki, "Neftçi"nin gələcəyi möhkəm əllərdədir. Turnirdə 3-cü olmağımıza gəlincə. Əgər digər qrupda mübarizə aparsaydıq finala da çıxa bilərdik".
