5 fevral 2012 20:24
Sumqayıt Rəvana qalib gəldi
Premyer Liqanın ikinci mərhələsi üçün hazırlığını davam etdirən “Sumqayıt” Futbol Klubu növbəti yoxlama oyununu keçirib. Azerisport.az xəbər verir ki, “Şəfa” stadionunda “Rəvan”la üz-üzə gələn Bernard Raabın komandası qarşılaşmadan 2:1 hesablı qələbə ilə ayrılıb.
Sumqayıt klubundan qolları Ramil Həşimzadə və Timur İsrafilov vurub. “Rəvan”dan isə Taqim Novruzov fərqlənib.
“Sumqayıt” bu heyətlə meydana çıxıb: Andriy Popoviç, Slavik Alxasov, Timur İsrafilov, Tərlan Quliyev, Ruslan Tağızadə, Abdulla Abatsiyev, Samir Abasov, Eşqin Quliyev, Ramil Həşimzadə, Uğur Pamuk, Kamil Nuraəhmədov.
Meydana sonradan daxil olanlar: Yasin Abbasov, Orxan Həsənov, Mahmud Qurbanov, Emin Mustafayev, Samir Abdulov.
Xatırladaq ki, “Sumqayıt” FK fevralın 10-da Premyer Liqanın növbəti turu çərçivəsində səfərdə AZAL-ın qonağı olacaq.
